பெருந்தலைவர் காமராஜரின் 124-வது பிறந்தநாள் விழா - திருச்சி மாநகர் மாவட்ட காங்கிரஸ் கமிட்டி சார்பில் கல்வி உதவித்தொகை மற்றும் நலத்திட்ட உதவிகள் வழங்கல்!

MsdMsd
Jul 20, 2026 - 20:30
பெருந்தலைவர் காமராஜரின் 124-வது பிறந்தநாள் விழா - திருச்சி மாநகர் மாவட்ட காங்கிரஸ் கமிட்டி சார்பில்  கல்வி உதவித்தொகை மற்றும் நலத்திட்ட உதவிகள் வழங்கல்!

தமிழ்நாடு முன்னாள் முதலமைச்சர் பெருந்தலைவர் காமராஜரின் 124-வது பிறந்தநாளை முன்னிட்டு, திருச்சி மாநகர் மாவட்ட காங்கிரஸ் கமிட்டி சார்பில் பல்வேறு நிகழ்ச்சிகள் நடத்தப்பட்டு வருகின்றன. அந்தவகையில் திருச்சி மாவட்ட காங்கிரஸ் தலைமை அலுவலகமான தியாகி அருணாச்சலம் மன்றத்தில் இன்று கல்வி உதவித்தொகை மற்றும் நலத்திட்ட உதவிகள் வழங்கும் விழா நடைபெற்றது.

மாநகர் மாவட்ட தலைவர் ரெக்ஸ் தலைமையில் நடைபெற்ற இந்த விழாவில், தமிழ்நாடு காங்கிரஸ் கமிட்டியின் முன்னாள் தலைவர் திருநாவுக்கரசர் சிறப்பு விருந்தினராகக் கலந்து கொண்டு, பள்ளி மாணாக்கர்களுக்கு கல்வி உதவித்தொகைகளை வழங்கினார். அதனைத் தொடர்ந்து, ஏழை எளிய பெண்களுக்குத் தேவையான பல்வேறு நலத்திட்ட உதவிகளையும் அவர் வழங்கினார்.

பின்னர் ஊழலற்ற சமுதாயத்தை உருவாக்கும் நோக்கில் காங்கிரஸ் கட்சியின் சார்பில் முன்னெடுக்கப்பட்ட "லஞ்சம் தவிர்! நெஞ்சம் நிமிர்!" எனும் விழிப்புணர்வு கையெழுத்து இயக்கத்தில் திருநாவுக்கரசர் கலந்துகொண்டு, அதன் பதாகையில் தனது கையெழுத்திட்டு தொடங்கி வைத்தார்.

இந்த நிகழ்வில் முன்னாள் தெற்கு மாவட்ட தலைவர் கோவிந்தராஜ், மாவட்ட பொருளாளர் முரளி மற்றும் மாவட்ட நிர்வாகிகள் ராஜா, விமல் ஆகியோர் முன்னிலை வகித்தனர். மேலும், மலைக்கோட்டை வெங்கடேஷ் காந்தி, ஸ்ரீரங்கம் ஜெயம் கோபி, திருவனைக்கோவில் தருமேஷ், காட்டூர் ராஜா டேனியல் ராய், அரியமங்கலம் அழகர், ஜங்ஷன் பிரியங்கா பட்டேல், மார்க்கெட் பகதுர்ஷா, வரகனேரி இஸ்மாயில், உறையூர் பாக்யராஜ், சுப்ரமணியப்புறம் எட்வின், புத்தூர் மலர்வெங்கடேஷ், ஏர்போர்ட் கனகராஜ், மணிவேல் உள்ளிட்ட கோட்டத் தலைவர்கள் பங்கேற்றனர். அணிகளின் சார்பில் மாநில தலைவர்கள் ராஜசேகரன் (முன்னாள் ராணுவப் பிரிவு), மகேஷ்வரன் (அமைப்பு சாரா பிரிவு), மற்றும் மகேந்திரன், மகிளா காங்கிரஸ் நிர்வாகிகள் அஞ்சு, ஷீலா செளஸ், கலைப்பிரிவு மாநில துணைத் தலைவர் அருள், சுப்புராஜ், சிறுபான்மை பிரிவு மொய்தின், மனித உரிமை பிரிவு ஆறுமுகம், விவசாய பிரிவு அண்ணாதுரை மற்றும் வார்டு நிர்வாகிகள் உட்பட பலர் கலந்து கொண்டனர்.